काठमाडौँ । सर्वोत्तम सिमेन्टको आईपीओ बाँडफाँट भएको छ । पहिलो पटक बुक विलडिङ विधिमार्फत जारी भएको आईपीओमा ५५ हजार ५२१ जनाले कम्पनीको सेयर हात पारेका छन् ।
कम्पनीले फागुन १३ गतेदेखि १६ गतेसम्म सर्वसाधारणका लागि कुल २७ लाख ७६ हजार ७६ कित्ता आईपीओ जारी गरेको थियो । जसमा तोकिएको अन्तिम दिनसम्म ९ लाख ६० हजार ३०१ जना कम्पनीको आईपीओका लागि आवेदन दिएका थिए ।
शुक्रबार गोला प्रथामार्फत भएको सेयर बाँडफाँडमा ५५ हजार ५२१ जनाले आईपीओ पाएका हुन् । जसमध्ये २६ जनाले ५१÷५१ कित्ता र बाँकीले ५० कित्ताका दरले सेयर पाएका हुन् ।
कूल आवेदक मध्ये १ हजार ३४२ जनाको आवेदन रद्द भएको छ ।
कूल आवेदनको संख्याबाट आईपीओ पाउनको संख्या घटाउँदा ९ लाख ४ हजार ७८० जनाको हात खाली हुन पुगेको हो ।
यो खबर पढेर तपाईलाई कस्तो महसुस भयो ?
+1
5
+1
+1
+1
+1
