गोरखा – उत्तरी गोरखा जोड्ने बेनिघाट–आरुघाट–आरखेत–लार्के सडकखण्ड सुक्खा पहिरो खसेर अवरुद्ध भएको छ । हिजो दिउँसो धार्चे गाउँपालिका–३, उहियाँको यारु नजिकै पहाडबाट पहिरो खसेर सडक अवरुद्ध भएको धार्चे गाउँपालिका अध्यक्ष लक्ष्मण गुरुङले जानकारी दिनुभयो ।
पहिरो सडकमा खसेपछि उत्तरी गोरखा जाने एक मात्र सडकखण्ड पूर्णरुपमा बन्द भएको उहाँले बताउनुभयो । उहाँकाअनुसार पहाडको माथिबाट ठूलो ढुङ्गा चोइटिएर बूढीगण्डकी नदी किनारसम्म पुगेको छ । पहिरो हटाएर सडक खुलाउने पहल भइरहेको पनि उहाँले जानकारी दिनुभयो ।
पहिरो खसेको क्षेत्रमा कुनै बस्ती नभएकाले मानवीय क्षति भने भएको छैन । बेनिघाट–आरुघाट–आरखेत–लार्के सडकखण्डअन्तर्गत पर्ने त्यसक्षेत्रमा कडा चट्टानका कारण नेपाली सेनाले पहाडमा विष्फोट गरेर सडक बनाएको हो ।
यो खबर पढेर तपाईलाई कस्तो महसुस भयो ?
+1
2
+1
+1
+1
+1
